失落...

為何每次與好朋友的分別總是那麼失落，聽著知道沒有拜年的機會，而且可能於上機前也無法見多一次而失落。這次我總覺得，可能不會2年回來一次了，我奢望你12月會回來，但如果真是我想是奇蹟呢 ! 祝福你在回去的路上、生活有主的同行，也再次祝福你的家庭，並日後所生的孩子......

Queenie生日快樂

前天Queenie生日，同Kammy一齊慶祝，很熟悉的感覺，廟街大排擋煲仔飯、松記特大甜品、最好味o既西米露同雲呢拿icecream溝埋一齊的甜品很特別....... 雖然與Kammy傾談只有一小段路，但，很久未試過呢，不用担心，神必會賜你一個可愛的小孩子，不過見你都很樂觀呢 ! 知道再一齊慶祝的機會不多了，所以特別珍惜....

Kammy，快d send d 相過來比我post上網

夢想成真

最終都見到TMac，我都估唔到自己點都要睇到個種決心，上網買唔到飛就臨時去球場買"黃牛"，一張us15 o既飛炒到成75都唸都唔唸，但係最後見到Tmac、iverson，仲要打到加時，雖然最後火箭輸左，但都覺得好值得。但Tmac睇來都仲係有傷，除左遠射同助攻，都無咩等別出色表現，反而iverson真係好快，無人mark到佢。

今次想見o既人都見哂，係姚明餐館見到姚明，真人真係非常高大，一見到佢就撲上前影相。

下個星期唔會再有波睇la，係我走之前都無主場賽事，可以專心工作...

沒有TMac的火箭

一場來到，點解要休息一場 ?揀我睇個場來休息，非常失望

出發前一晚

去美國了，原本心情沒有什麼興奮，但聽到個客幫我地買左Houston vs Phoenix的飛，便開始緊張起來，雖然姚明傷左，但我最喜歡的T-mac......

出發前特別要求，Kammy都應承左我提早出來，多謝你，原來真係咁奈無見你，有1年半了，但今晚很少傾談呢，但很高興見到simon。

雞蛋，已經將print出來張相放入folder度，我一定會帶去的

靖，Kammy的手信我已經代取，回來再給你

帽子戲法

今日樹團踢波都好奈未試過咁齊人，3劍、翹楓、anderson、細joe等等全部來哂，竟然踢得好順，入左2球靚波，左腳仲要拉遠柱，相信射多10次都未必得，仲有助功，細joe講得啱，今日入左成年o既入球.... 不過因為遲來，又要早走，都無時間同班弟兄傾計，希望遲d再有機會..

栽培隊的第一天，覺得自己責任大左，要照顧比自己小的組員，很高興每位組員都希望有合一的心，對這個小組有點盼望

自助餐食得好飽，5杯梳乎里，不過都未破上次記錄

Peak season開始了......

大日子

7/1 袁周 (圓周)聯婚

同你地一齊經歷左好多野，記得嘛 ! 也因為咁而獻上第一次，竟然為你做起姊妹，不過原來做姊妹都好好，可以玩人，又有利是收。不過難忘的是婚前一晚我買糖水比你食wor，感動嗎 ? 食完成點要坐的士返屋企，仲未claim返你......

9/1 劉伍聯婚

同亞嬋熟都係中六、七o既事，估唔到仍然揾我做兄弟，記得個時就係成日都講追女仔的事，真的在讀書時期先會有呢d事發生，不過唸返都回味，想不到你同亞秀拍左成10年拖，利害...

認識您/祢是一生最美的祝福

除夕夜照往年一樣參與了教會的奮興會，伍大牧的訊息對我有很大的啓發，要提醒自己要有天國的意識，不能只顧自己的屬靈感受，願新的一年能更多的參與在神的事工上..

過後便是一個farewell party，雖沒有說過半句我們要離開但大家還是很感動，一份不捨的情，畢竟是6年，是我大半在教會生活的時間。在此要向yiu cell的組員說聲多謝！

為什麼會這樣不捨.......

黃生黃太都回來了，看看可否見見面

新的一年 - 2007 感謝主

聖誕節

23/12

今天是我最好的第兄 - 靖同秀汶的婚禮，真的很感動，感謝主讓我能在他們婚禮的前一晚與他們在電話中禱告，也讓我有幸在他們立約時就在他們的身旁，就是其中一位見證人。惠儀說得對，您們就是性格上，外表上南轅北轍的人，靖外柔內剛、秀汶正好相反、而秀汶是一個很特別的女孩(可能是特別頭大)，但也是需要一般女孩子需要的愛、靖有的是樂觀，創作力，要倚靠他背後的上帝啊 !! "為您鐘情" 成為我這幾天心裡常哼著的歌，我會記得與靖一起搭著膊頭等待秀汶到台前的時刻.... 也記著靖的一句：過了今晚後，就是你一年的倒數.....記住我"對你愛不完"的演出只是為你，沒有下一次的了

24/12

平安夜 - 主耶穌我們的救主就是在這天誕生的，所以堅持要返到崇拜，不過卻差點睡著了呢 !

25/12

聖誕快樂....又是難忘的一天，聖誕節影結婚相，我相信會影得不錯，雞蛋雖然緊張，但很漂亮呢 ! 一連幾天的"粗勞"﹐已經累死了，今晚要12點休息。

爆笑rehersal

亞靖秀汶婚禮rehersal，當站在婚台前，我已感受到當天會很感動，不過昨晚仍是很搞笑，見到大頭、靖便想起當天他倆怎樣一起，到現在在上帝面前立約....

伴我成長

"沒法找緊光陰片刻分秒，沒法猜測身邊聚合散離，但我感激恩主給我友伴，在這匆匆一生添意義"
每次聽這首歌都只是懷念在樹團的過往，但今次，在主日崇拜唱這首歌，崇拜主席的一番話，我第一次感受到自己將要離開這個相處了6年的小組，去別的團隊事奉。再加上cell長的搭膊頭，我忍不住哭了，這時相信只有身旁的crystal和我有一樣的感受，我想我們是同一時間的哭了，她還問我要不要紙巾。

哈! 一方面是不捨得離別，但另一方面也感恩能有這樣一位明白我的可以繼續一齊事奉，感謝神，也求你繼續祝福耀cell的所有第兄姊妹。

12月、1月差不多個個星期都有飲宴，今晚是第一餐.....

婚紗、晚裝都試過了，她的確穿得很漂亮，唔知d相出來會係點?! 期待...

月記

已經好奈無寫，唔好話日記，連週記都寫唔到。呢個11月，甚至呢個年尾，將會對我將來有很大影響呢 !!
終於完成求職信，4大已經寄左2大，不過仲未有回音，心裡就是矛盾，好似好驚忙，但更驚將來找唔到份好工，抱住走唔走都無所謂的心態求職，都係第一次。

轉團隊事奉，幾乎已經決定，但唔知會唔會唔識應陌生環境，但我相信走這條事奉的路應是無錯的，人生走到現在，總有一些經歷可以和現在的"後生仔"分享。

籌備大事：1年，好似好遠，但這2個月應有一些東西要安排的

思想好似成熟左，在這時候覺得有很大的責任，我都唔知可唔可以面對到 "新的開始"

恩典...

因為客未預備好所需文件，故西安旅程應延至下星期，是恩典...... 這星期的經歷讓我知道要珍惜身邊的人，這星期每出門口前都會推開房門看看仍在熟睡的媽媽、擁抱同樣因頻密的工作旅程而很少見的妹妹、將剩餘的時間都爭取與雞蛋見見面、不惜將工作帶回家仍參與有弟兄姊妹籌備的祈禱會、還有和老死錄影婚禮特備節目....

這是恩典

下星期應該真的出發了 !!

又去

好慘，又出trip，呢次去西安，好唔想去......

返來啦 !!

終於返來啦 !! 好掛住香港、屋企、雞蛋、弟兄姊妹....

都未試過離開香港咁奈，成半個月，過左1個星期已經好掛住，雖然這次北京之行有4人，陣容最鼎盛一次。除左做野，去左長城、王府井、天安門.....但係我都係好想返屋企

多謝媽咪一知道我返來就即刻煲湯、多謝雞蛋對我的忍耐、多謝你弟兄姊妹話miss me...... 同美嫻講唔好意思，miss了你的大好日子....

明天 ----- 要過回正常生活了.....

1個星期

酒店-----公司------酒店

雖然忙，但開始悶了.....

無能領隊

我從來睇波都唔會賴個領隊帶得唔好，尋晚我睇心愛o既英隊出戰，真係一路睇一路鬧，佢唔單止唔選碧咸(我相信唔選一定係因為私人恩怨)，而且謝拉特停賽、祖高爾傷左、令到今場o既中場綫唔知似咩。但點解要將艾殊利打唔擅長o既左中場，佢平時有咁多助攻機會都係因為前面有人走住拉空，更加將加力查打左閘，佢轉身唔快，搞到人地好容易就係個個位入，仲咩唔一早將胡禮菲納斯打左翼，而艾殊利打返左閘，但係其實我一路睇一路希望英格蘭輸返場，因為我真係好想麥生快d執包伏…..

外闖升空玩下泰國曼谷好地地

竟然夢想成真，cell camp衝出大陸，今年的cell camp，一團14人，竟然齊齊整整的到泰國曼谷旅行。今年，抱著的，就只有：可能是最後一年了……與這個cell一起已經6年，當中真的一同經歷過很多開心同唔開心的經歷。
在這個camp裡，竟然和法蘭、crystal組成三劍俠(同強、靖的稱號一樣)，我感受到這個camp又和她們的友誼進了一大步。
Camp的經歷可不少呢，泰國新機場第2天我們就到了這裡、用尼龍繩去承託每一個組員、食左一餐要用700幾蚊飲水o既意大利高級餐廳、”扯哂蝦”o既真情分享、Joselyn o既 “dum、gan、shoot”(笑左成晚)，唱”親愛的弟兄姊妹”(痴線的弟兄姊妹你記得嘛，這數年日子裡面成長於這個家)，我有望住你地每一個的…..
每一次的cell camp都是恩典，最深刻的一句：雖然cell現在還有破口，但有主耶穌的愛填補

我今日好開心..

今日真係好開心，因為，朗朗佢肯比我抱佢呀 !!未試過架，佢未試過肯比我抱，甚至一近d見到我就喊啦，萬試萬靈，唔到你唔信，但佢今日竟然比我抱左3、4個字，唔知係咪近視睇唔到我個樣，原來佢好重，我抱左一陣已經手軟，但係我都頂住，都唔知佢重比唔比我抱呢 !!


另外多謝大頭詩歌推介，但呢首歌睇來有d難度，要2個人合唱就得，一班人就難d，有無idea呢 ?

告別"興利"

興利中心，即係三越，亦都係我地公司個座，終於都最後一天啦，下星期就會到新office返工。呢度係我做得最開心的一間公司，今天下午，我地真係好合作，成team人一齊夾手夾腳執哂d野，結果4點就無野做等收工啦!! 不過新office之後，就將會有2位同我都好熟的同事要離開啦 !! 離開公司前，還拍照留念...