勁歌金曲之夜

有球星生日，我又懶幫佢約人，另一個球星本來話放唔到工。便想著單人匹馬同佢慶祝，途中又有戲劇性發展，亞強話放得工，於是由銅鑼灣轉移陣地去旺角唱k，唱唱下想起亞seph，臨時打比佢點知又係旺角，他到來不單令到場面熱鬧，亦帶來免人頭優惠、生日蛋糕+香檳、還有全單9折。再有勁歌金曲4人邦現場版本，真係盡慶而返......

曼聯vs熱刺

我都要post呢段，唔好話我侵犯版權......

開波預測: http://netvideo.netvigator.com/a3133321230549781130310345488.wmv
曼聯領先: http://netvideo.netvigator.com/a3133321230544711130310431060.wmv 半場休息: http://netvideo.netvigator.com/a3133321230549281130310518572.wmv 雲佬轉身: http://netvideo.netvigator.com/a3133321230548691130310538345.wmv 熱刺追平: http://netvideo.netvigator.com/a3133321230541901130310574635.wmv

地震

今天公司開會，10幾人入哂房，真係唔知發生咩事，director話個senior manager 辭職。真係大件事，佢已經係公司做左成10年，雖然有時幾惡，但係工作能力一流，而且我地都幾鍾意跟佢，我做咁奈d job都係佢睇，從佢身上學到好多野。而家話走，真係無一個team mate開心，12月頭就 last day。隨之而來就是由2個女人話事，真係麻煩啦......... 很多是非的2個女人，仲有都唔知會請個咩manager返來，希望頂得住啦 !

非凡的一生

前晚同雞蛋去我教會聽音樂會"非凡的一生"，詩歌主題由耶穌出生、受苦、復活，又一次感受到耶穌的大能、大愛，到受苦個part，真係喊到豬頭咁，真希望這一生都能服侍主。

返公司

被人放逐左成個月去出job無返過公司，竟然有d驚，但係返到去之後又竟然唔係這回事，反而而家越來越開心，同同事熟左好多，又因為個senior manager放緊大假，剩返個A.M.係度，我地有時都一路做一路傾計，很享受這樣的工作呢! 不過我都知咁做法真係會做得慢的，明天要專心d

兩件事

昨天同一個樹仁的同學一齊上ACCA，好friend，因為一齊係樹仁讀3年，8科都一齊上，但甚少傾個人野，昨天竟是他主動的問起信仰問題，""原來""他是天主教(是否算教徒就唔知)，還受洗了，少時候的事了。信仰問題真的要裝備好呢，一下子無想過的情況下有d唔知點傾，有一樣反省很深的，他說有成10年沒有向神父告解，如果真係，可能幾日都講唔哂......信教又有很多束縛，但卻說不知怎的返了又真是感覺舒服，也是10幾年前的事。我也想起自己，若真的認真認罪，也不知要怎樣說起，有多少罪呢 !!

夜晚飲宴之後，想起Kammy，成2個月沒有找她呢，上次找她已是倫敦爆炸時，便打長途給她，近況很好呢! 唔駛做但係又話好忙，真羨慕!! 最近忙搬屋喎，唔駛同成棚人住，下年底有機會返香港，如果係我就唔駛駛$專登去搵佢......

射手

除左足球之外，連籃球都無打成個幾兩個月，今晚放左學即刻趕去球場，開頭真係生疏左，而且被調左打第二隊，合作唔慣，咪做住助攻先，手風又唔太順，都唔咁太多起手。後尾越打越放，開頭落後，跟住追返上來仲領先成15分，對方又派出最強陣容，開始比對方追返上來，最近就追剩1分，跟住我連續2球3分球又拉開，真係有三井的感覺，派專人mark我、夾擊，其他隊友便開始有空位，順利以6分差距完場。場波打到成百幾分，因為2隊都係有前無後，我想我都入成30分，同埋好多次助攻，1次封阻.........打籃球，我係鐘意做助攻多過自己入波.......

又要多謝我的球迷打氣

入院

入院的不是我，也不是我家人。係雞蛋的爸爸，成個星期了，不能落床，要打抗生素，傷口留血，我感受唔到有幾痛，但見到雞蛋，我感受到。放工後又獨個兒行，半山行到中環、撘船、又由尖沙咀行到油麻地，如果唔係比人吹食飯，可能會行到返屋企，一路想可以點幫 ? 只可以祈禱，好想佢信耶穌，已經當佢地係屋企人...... 我唔識傳，但真係想試下。

黎明

黎明咁奈無唱歌，咪唸住聽下佢演唱會。d 歌本身係好聽，因為旋律都好舒服，但係佢服務態度就真係麻麻(希望唔好激嬲黎明fans)，明明張飛話8:15開場，8:45先真正出場(要球星們等佢成9個字)，仲只係唱2個鐘，每兩首歌換一換衫，無encore，唔跳舞，杜文澤都落力過佢，未試過睇演唱會係11前走得，可能佢驚曾特首聽日返工遲到啦 !! 不過算啦，明天都要返工。早d抖......

久休復出

行山唔係我喜歡的運動，所以都唔知幾奈先會行一次，今天咁橋亞強教會行山，秀汶又想戶外活動，便join了一齊行，源途見到馬騮仲多過見人，行完食埋野先累。
仲要係唔知幾多個月既正式一次同樹團一齊踢波，我同亞強、亞靖都勁累。球星門都發揮唔到應有水準，我就射左4腳波，撻Q個球就竟然入左，射得幾靚個d就省到人，打得唔好就緊係唔開心，希望下次會有好d狀態啦 ! 好奈都無一場波入3、4球啦 ...... 真係同奧雲一樣......

生日快樂(二)

Suprise行動萬試萬靈，這次輪到美芝啦 ! 仲玩到同佢媽咪一齊玩，我啦、法蘭 & crystal一完崇拜就做花仔花女送花到美芝屋企。當送比佢的見面禮，重頭戲係夜晚，到孔媽媽夾定左叫美芝返屋企食飯，跟住孔媽媽又出左來同我地一齊去指定酒樓，唔知佢見到紮花有咩反應，但係就唔知叫佢又話返屋企又話出來的心情係點....應該也心相係比人玩梗。我想比人玩也值得的，一班cell員同孔媽媽已經到哂場等候，d 野食又唔錯........ 下次行動的目標又會係邊個呢 ??

英格蘭出線

未知係咪第一，不過都肯定出線，不過真係捧親都驚。無辦法唔承認，英格蘭而家真係靠哂謝拉特同林柏特，仲有朗尼...... 碧咸同奧雲已經....... 1-0，戰果就係唔滿意，但出到線就無所謂啦 !

睇波期間，見到佢係咁飲，但是我唔單止無叫佢唔好飲，仲自己飲埋一份，飲到有d頭暈暈，總覺得他仍是唔開心，所以無返自己屋企，途中就是傾計，吹水，跟住再睇波、打機，返崇拜都無理，不過都趕到返呢 !!

十年

從來也沒有慶祝什麼10年聚會，今晚是第1次，是認識預科同學已經10年了(我所讀的預科是與中一至中五不同的)。這聚會絶不隆重，只是到我們以前lunch常到的上海飯店食，只能坐4、50人的飯店，已給我們佔了5分1，成13、4人出席呢，差不多成半班預科同學呢 !
讀到預科是神的恩典(因為以最marginal的成績才讀到)，認識到這班同學就更加係神的恩典，這令我記得第一天走進班房，所有人都是不認識的，要成3、4個月先識到人，因為所有人都認定這只是一個短短2年聚脚的地方，所以沒有人會投放感情、時間去建立同學關係，但豈料這裡卻是我們體會到讀書樂趣的地方，由其是A-Level考試，每逢放學、假期，便成10人一起到自修室溫習，友誼便逐漸建立，這裡同學的關係比其他任何班級甚至大專都深厚。也記得我在這兒信主的，因認識一位很好的基督徒老師，有一件事是十分深刻的，就是放榜前夕唱k唱通頂，跟住飲早茶返學校迎接成績，當時我相信只是英文科只欠半個grade便能進大學，所以即時忍不住在班房大哭，最後有2位同學出$$幫我check卷，雖然最尾都無升grade，但很感謝他們....
10年後的今日，已經有2位是媽媽級的了，又有1位即將結婚，可能再過5年會結哂婚同生哂仔咁出來呢 !

Cell Camp

國慶假期(其實不是假期)，原本星期六日就是放假的，結果同cell到順德碧桂園渡了2天假，這正是我理想的渡假，開頭還恐怕行程太密(但我知道亞pam同法蘭用了很多時間和心機去plan的)，結果是行程一個又一個的取消，換來輕鬆愉快的2天。
行程開始是不順利的，原本只需3小時的車程卻花了5小時才到達目的地(早知就真係買大家樂飯盒)。
第2天早上一早便打bowling，記得上一次打應該也是和cell員一起打呢!!原本真想學一學亞全傳授的步法，不過實在太難，都係"look"到個波出去就算。 下午來到一個叫花卉世界的地方，我想應該是看花的，但展覽館卻停止服務。竟然在場館外玩起小學時也絕少玩的遊戲：紅綠燈、孤狸先生幾多點，糖?豆、估領袖，最好笑就是法蘭要追ernest......就這樣玩左成2個鐘。最開心的還是夜晚的分享，因真的是很喜歡夜晚分享的氣氛，大家都分享得很深入呢!
最後一天是以崇拜開始，弟兄姊妹都很真誠分享神為自己帶來的轉變，也帶來很深的反省。除後的行程就是食同玩，就這樣又結束了一年一度的cell camp，希望下年真的會去曼谷.........