聖誕節

23/12

今天是我最好的第兄 - 靖同秀汶的婚禮，真的很感動，感謝主讓我能在他們婚禮的前一晚與他們在電話中禱告，也讓我有幸在他們立約時就在他們的身旁，就是其中一位見證人。惠儀說得對，您們就是性格上，外表上南轅北轍的人，靖外柔內剛、秀汶正好相反、而秀汶是一個很特別的女孩(可能是特別頭大)，但也是需要一般女孩子需要的愛、靖有的是樂觀，創作力，要倚靠他背後的上帝啊 !! "為您鐘情" 成為我這幾天心裡常哼著的歌，我會記得與靖一起搭著膊頭等待秀汶到台前的時刻.... 也記著靖的一句：過了今晚後，就是你一年的倒數.....記住我"對你愛不完"的演出只是為你，沒有下一次的了

24/12

平安夜 - 主耶穌我們的救主就是在這天誕生的，所以堅持要返到崇拜，不過卻差點睡著了呢 !

25/12

聖誕快樂....又是難忘的一天，聖誕節影結婚相，我相信會影得不錯，雞蛋雖然緊張，但很漂亮呢 ! 一連幾天的"粗勞"﹐已經累死了，今晚要12點休息。

爆笑rehersal

亞靖秀汶婚禮rehersal，當站在婚台前，我已感受到當天會很感動，不過昨晚仍是很搞笑，見到大頭、靖便想起當天他倆怎樣一起，到現在在上帝面前立約....

伴我成長

"沒法找緊光陰片刻分秒，沒法猜測身邊聚合散離，但我感激恩主給我友伴，在這匆匆一生添意義"
每次聽這首歌都只是懷念在樹團的過往，但今次，在主日崇拜唱這首歌，崇拜主席的一番話，我第一次感受到自己將要離開這個相處了6年的小組，去別的團隊事奉。再加上cell長的搭膊頭，我忍不住哭了，這時相信只有身旁的crystal和我有一樣的感受，我想我們是同一時間的哭了，她還問我要不要紙巾。

哈! 一方面是不捨得離別，但另一方面也感恩能有這樣一位明白我的可以繼續一齊事奉，感謝神，也求你繼續祝福耀cell的所有第兄姊妹。

12月、1月差不多個個星期都有飲宴，今晚是第一餐.....

婚紗、晚裝都試過了，她的確穿得很漂亮，唔知d相出來會係點?! 期待...

月記

已經好奈無寫，唔好話日記，連週記都寫唔到。呢個11月，甚至呢個年尾，將會對我將來有很大影響呢 !!
終於完成求職信，4大已經寄左2大，不過仲未有回音，心裡就是矛盾，好似好驚忙，但更驚將來找唔到份好工，抱住走唔走都無所謂的心態求職，都係第一次。

轉團隊事奉，幾乎已經決定，但唔知會唔會唔識應陌生環境，但我相信走這條事奉的路應是無錯的，人生走到現在，總有一些經歷可以和現在的"後生仔"分享。

籌備大事：1年，好似好遠，但這2個月應有一些東西要安排的

思想好似成熟左，在這時候覺得有很大的責任，我都唔知可唔可以面對到 "新的開始"

恩典...

因為客未預備好所需文件，故西安旅程應延至下星期，是恩典...... 這星期的經歷讓我知道要珍惜身邊的人，這星期每出門口前都會推開房門看看仍在熟睡的媽媽、擁抱同樣因頻密的工作旅程而很少見的妹妹、將剩餘的時間都爭取與雞蛋見見面、不惜將工作帶回家仍參與有弟兄姊妹籌備的祈禱會、還有和老死錄影婚禮特備節目....

這是恩典

下星期應該真的出發了 !!

又去

好慘，又出trip，呢次去西安，好唔想去......

返來啦 !!

終於返來啦 !! 好掛住香港、屋企、雞蛋、弟兄姊妹....

都未試過離開香港咁奈，成半個月，過左1個星期已經好掛住，雖然這次北京之行有4人，陣容最鼎盛一次。除左做野，去左長城、王府井、天安門.....但係我都係好想返屋企

多謝媽咪一知道我返來就即刻煲湯、多謝雞蛋對我的忍耐、多謝你弟兄姊妹話miss me...... 同美嫻講唔好意思，miss了你的大好日子....

明天 ----- 要過回正常生活了.....

1個星期

酒店-----公司------酒店

雖然忙，但開始悶了.....

無能領隊

我從來睇波都唔會賴個領隊帶得唔好，尋晚我睇心愛o既英隊出戰，真係一路睇一路鬧，佢唔單止唔選碧咸(我相信唔選一定係因為私人恩怨)，而且謝拉特停賽、祖高爾傷左、令到今場o既中場綫唔知似咩。但點解要將艾殊利打唔擅長o既左中場，佢平時有咁多助攻機會都係因為前面有人走住拉空，更加將加力查打左閘，佢轉身唔快，搞到人地好容易就係個個位入，仲咩唔一早將胡禮菲納斯打左翼，而艾殊利打返左閘，但係其實我一路睇一路希望英格蘭輸返場，因為我真係好想麥生快d執包伏…..

外闖升空玩下泰國曼谷好地地

竟然夢想成真，cell camp衝出大陸，今年的cell camp，一團14人，竟然齊齊整整的到泰國曼谷旅行。今年，抱著的，就只有：可能是最後一年了……與這個cell一起已經6年，當中真的一同經歷過很多開心同唔開心的經歷。
在這個camp裡，竟然和法蘭、crystal組成三劍俠(同強、靖的稱號一樣)，我感受到這個camp又和她們的友誼進了一大步。
Camp的經歷可不少呢，泰國新機場第2天我們就到了這裡、用尼龍繩去承託每一個組員、食左一餐要用700幾蚊飲水o既意大利高級餐廳、”扯哂蝦”o既真情分享、Joselyn o既 “dum、gan、shoot”(笑左成晚)，唱”親愛的弟兄姊妹”(痴線的弟兄姊妹你記得嘛，這數年日子裡面成長於這個家)，我有望住你地每一個的…..
每一次的cell camp都是恩典，最深刻的一句：雖然cell現在還有破口，但有主耶穌的愛填補

我今日好開心..

今日真係好開心，因為，朗朗佢肯比我抱佢呀 !!未試過架，佢未試過肯比我抱，甚至一近d見到我就喊啦，萬試萬靈，唔到你唔信，但佢今日竟然比我抱左3、4個字，唔知係咪近視睇唔到我個樣，原來佢好重，我抱左一陣已經手軟，但係我都頂住，都唔知佢重比唔比我抱呢 !!


另外多謝大頭詩歌推介，但呢首歌睇來有d難度，要2個人合唱就得，一班人就難d，有無idea呢 ?

告別"興利"

興利中心，即係三越，亦都係我地公司個座，終於都最後一天啦，下星期就會到新office返工。呢度係我做得最開心的一間公司，今天下午，我地真係好合作，成team人一齊夾手夾腳執哂d野，結果4點就無野做等收工啦!! 不過新office之後，就將會有2位同我都好熟的同事要離開啦 !! 離開公司前，還拍照留念...

新英格蘭

為成為第一批專貴客戶，專程到亞靖家看英格蘭對安道耳，靖看得非常高興，當然，謝拉特再次證明他比林柏等好波何止一皮，寫入超靚窄角度。我也看得高興，但事實上賽前真的希望英隊贏波但打得唔好，原因係真係好希望麥生知道無選碧咸係錯，不過暫時都無機會啦!! 希望真係到歐洲國家杯時會選返佢入去(我唔覺得佢係後備，始終都覺得佢係世杯英隊的最佳球員)

2隻膝頭好似瘀左，點解 ??

愁雲慘霧

今天是愁雲慘霧的一個主日，起碼是我們小組，美芝媽cancer報告，有擴散，醫生說第3期，心情由天堂轉為地獄(可能是誇張了)，但事實上原本以為是第1期(也是醫生在未做切除手術前說的)，幾日之前竟變了第3期。不單是美芝，我們整個小組為她們祈禱，流淚，求主醫治伯母。

另一邊朗朗b 1歲人仔生日，可真大陣象，生日會邀請10多人到來，又收到好多好多禮物，又收生日咭，大個仔睇返都會好得意，1歲就收生日咭，我地每個生日也要和他慶祝啊 !!

p.s. 我抱佢開始唔喊啦!! 還有，我miss了一場入球好多的球賽啊!!

NBA之夜

昨晚因朋友有飛而可以一睹Wade (Miami Heat), Chris Paul (Charolette) , Chris Bruse (Toronto) 等NBA球星的風彩，還有幾名港隊成員，歌星的球賽(還是唱歌吧)，真的很似NBA一樣，仲用啦啦隊跳舞，花式入樽，派禮物等等，呢次仲比我地拿到2件衫同一個小型球做禮物....

















不過吸引到我的，是這位17歲的學界巨星(如果我細13、4年) -- 羅意庭，可能有機會較量，他應是我這類剷籃型的球員，仲有外圍超準，之前聽過他的名字，不過未見過佢打波，只是有fd同佢打過學界，話佢真係好勁，而家好似已經係港隊，所以學界係超哂班，身材唔高(175cm)，但係可以凌空單身入樽，可惜佢尋晚只係...玩玩下，而且上場時間好少，比個d所謂歌手打哂.... 我其實真係好想同佢打下，我覺得佢有d似係樹仁比賽時個個校隊，速度超快個個，亞強，記得嗎 ?

中山之行

中山之行，一早已決定是個渡假的假期，即係唔通頂，唔會行程緊密，所以：靖、雞蛋、大頭你地睇vcd時，我決定要瞓覺，因為每天可以瞓成10個鐘真係好難得(對呢份工來說)，而且好似好奈無瞓過覺咁。呢個旅程都好舒服，因為都無咩做過，日日都揼骨啦 ! 仲有去左游水(浪漫水城)、食小肥羊(呢次無肚痛wor)、同埋打孖寶賽車......就係做左咁多野，所以一d都唔辛苦，今日星期二其實係第2日假期，點解好似就來放完咁??

女.....殺手

陪亞媽去睇陳寶珠，買飛前只想到她想去睇但又無人陪，便陪她去睇(條件當然係佢請)，但係到睇時想縮沙呢 ! 担心會悶到瞓著，不過，又意想不到呢，古裝打扮，但有時代feel，舞台好靚，都ok架，起碼不至瞓著。

成3點幾啦 ! 仲係度寫日記?? 因為放假嘛 !! 終於可以放假係可以玩，唔係考試，心情興奮，唔瞓住... 明天同靖、秀汶、雞蛋去中山旅行，應該係渡假.... 強，想起你呢!! 很想3劍一齊去旅行，可惜你放唔到假。 腳又痕起上來，幾時有波踢呀??

4大加薪，另到有d同事想走，埋怨人工太低，12月可能會有d人走呢! 我....很矛盾，要$$、前途、有多點自己時間、定係要做得開心?? 定係全部要哂??

軟硬

今晚同靖、秀汶睇軟硬....正，輕鬆左好多，張學友做嘉賓，好奈無見，睇返呢d表演，這些就是我中學時代的流行歌星。軟硬合作了咁多年，睇到佢地o既情，唔知我同靖有無.....

這幾星期忙到不得了，成個job的高潮就係昨晚要開通宵到今朝6點先有得返屋企，這個時候可以讓我找到的，就只有師父，同佢講我o既感受，唔需要解釋咁多佢都明白，完全知我唸咩，我只感到，上帝正在醫治，多謝 !

施丹，再見了 !!

世界杯完了，終於意大利獲得冠軍。近來最好睇的一場決賽....
施丹，再見了 !! 一頭完結左球王生涯，佢呢一頭，震撼性比朗尼的紅牌有過之而無不及.....
傷感程度媲美英格蘭十二碼被淘汰....... 忍住眼淚，他好像連獎牌都沒有出來拿
人們可能不會記得他在哪一場有出色表現，只會記得這一頭...
球迷不會怪他，因他的出場對戰果無關痛癢，而他的復出更令法國隊晉身決賽，然而，這會是他個人的一大污點，起碼從他的表情可感受到.....
我不是法國隊的球迷，但施丹卻是我看過最出色的球員：他比起馬拉當拿、朗拿甸奴、朗拿度、謝拉特，所有被譽為球王級的球星都要出色(這是我的評價)，他也曾經拿過紅牌，但沒有試過像這一球那樣震撼。

總括來說，這屆世界杯令人有很多傷感的地方，意大利在假波醜聞中奪標、朗尼紅牌、心愛的英格蘭十二碼被淘汰，40年來的最佳陣容都無法贏世界杯、巴西8強止步等等 .....

尾聲

昨晚4強之戰，在靖家同大頭、靖一齊睇，還記得4年前決賽巴西vs德國我地又係同一組合同一地方一齊睇嗎? 我的心情也是一樣....結果，因賽前打winning消耗太多體力，到真正開比賽，下半場已不支倒地。

只係瞓得2個鐘，今天還要到期待已久的迪士尼，本來真是期待已久，但實在疲倦不堪，就快死......
評價：除左space mountain同巴斯光年外，其餘遊戲不值一提，不過因為環境實在太靚，音樂、氣氛真的很吸引呢

效率低、手腳慢、唔夠快

今日我地組流行了這句說話，好得意。不過我想一想覺得真係要唸下有咩方法令自己可以學到多d野，又可以做得快d (雖然我覺得都唔算特別慢)。

近期工作真的很開心，係真係好開心，因為自從個個manager走左之後，replace佢個個係一個好人，而且係好玩得的人，真正係成組人都咁熟，開工可以講笑、開會都可以講笑、食飯、gathering就更加......... 但係唔代表唔認真架，只不過多了一份融洽，感謝主讓我有這樣的工作環境。最近的deadline一浪接一浪，真的透不過氣，唔可以效率低、手腳慢、唔夠快，要求梗8月中放大假啦，但manager話唔得，不過我仍然窮追不捨，希望得啦 !

Sorry !

真的對不起，今天晚上掃了你們慶，多謝您們特意的抽空為我和雞蛋慶祝生日，但我還是來不到。
今天晚上，放工時已是12時半，其實這段時間是勁累的，一來是工作很繁忙，其實我之前是預計可以來到的，但有時候真的不能預計下班的時間、二來是世界杯啦 ! 已盡量唔會睇3點鐘的賽事，但每天仍帶著睡眼回公司...
這繁忙，疲倦令到近來的心情也煩躁起來，總覺得事情不太順利。

昨晚很開心的與Kammy傾了個電話，開心因為.....知道自己會有一件英格蘭波衫，記住啦，我這次想要的，是一件白色世界杯的出場波衫，有無號碼都無所謂，如果有，我最想要4、7-11號.....唔要2-6號(除左4號)、仲有最緊要，唔要21號，因為著呢件波衫o既人，個名同個人一樣 --- 得個"高字"(Crough)，因為Kammy只係知佢英文讀法，所以我要寫埋個英文名.... 還有Queenie已經親身到英國，將會同佢一齊遊英國，荷蘭、比利時..... 我都要一個國家一份手信啊

師父，生日快樂.....

師父：
生日快樂呀 ! 既然你寫左篇日記比我，我都係度寫返篇日記比你啦 !
去了英國後，有2年沒有一起慶祝生日了，不過，我想仍然為你的生日而高興。相信你已收到我和雞蛋送的生日禮物、並有雞精手信，好好的享用吧。說得對，因為跟她學結他而漸漸建立交情，也因為無論在信仰、學業，以致其他事情的分享都很投契，也成為我在樹團最好的朋友。不論在教會或是樹團，她總是一個熱衷於事奉的姊妹。最近雖然遇到不如意的事，但真的感受到她那份相信神的信心…
很記得很多次的生活營都有一同通宵傾計，禱告的經驗，也有一同經歷唔開心的事，這令我感恩有這樣的一個知己。現在感恩的除了有神的看顧，更有龐大身驅但細心的老公仔照顧，再困難的事也可以渡過。
盼望有機會過英國探望，不過我知你年底也會回來呢，是嗎 ?

忙到.........安息日，比平時更忙

今日，其實心情欠佳呢 !! 忙的是我，但埋怨的是你，這令我很無心機呢 ! 但因這段時間好像與神的關係好了一點，祂又給我明白，安慰：在成功的婚姻中，丈夫與妻子也需花時間單獨相處。你的時間安排苦不允許與妻子單獨相處，那就表示你忙過頭了..... (節錄自如何為你的妻子禱告)，所以要轉工嗎 ? 那要大家都謹慎的想想吧 !

這兩天真的累得緊要，昨天一整天的教會聚會 + 世界杯，今天也輕鬆不了多少，頭也痛起來。球隊突然傳出闖入4強的消息，還要我立即到球場，不過最終沒有落場比賽，但我還是替正在作戰的隊友們緊張起來，真的利害，由有線體育台台長李德能為我們評述這場決賽呢 ! 當他介紹對賽球隊 (SYCCF) 時，我突然的想我們的球隊名應是 (Shue Yan College Christian Fellowship)，讓人知道基督徒在足球場上的球品 (太跨張了)，結果是我隊1球不失的奪得亞軍，意想不到，嘉輝其偉當然球隊支柱、亞強好像受傷也在拚博、靖返完通宵都捱眼瞓上陣，其實我們是值得拿冠軍的..... 下年再有比賽要再來.....

昨天祈禱會的rehersal，我彈極都彈唔到，因為bar chord唔熟，又唔識彈Eb，最大獲係揾唔到cable，搞到我前所未有咁認真咁揾結他書究竟Eb係點"咁"，又揾唔到，這時竟然在結他袋裡找到cable，再問問雞蛋點轉chord (果然係演奏級)，最終祈禱會不致出醜，感謝神之餘也讓我知道要事奉真的要盡上努力，在以為控制到的事上也要倚靠神啊 ! 學習謙卑吧.....

多謝cell員送了一本書作為我的生日禮物，相信這書對於我查經的事奉有很大幫助呢 !! 不過.....自從我當查經的事奉後，連續3年的生日禮物都是查經書呢 ! 我還未看完啊 !要努力了....

親戚結婚，晚上到黃金海岸飲宴，是與我同年紀的，還記得我與他們2兄弟小時候是玩得好顛的，不過人大了，見面少了(1年1次也可能沒有呢)，也有一點感慨

其實劉牧師今天的講道正是關於安息日，現在安息日的意義是什麼 ? 安息日可能比平時返公的日子更忙，但要緊記主權在上帝的手啊 ! 在這安息日將主權交回給祂…

黑色生辰

生日本來沒有什麼好記，因為都過個好多個生日，今年係黑色暴雨，其實由我係樹仁o既日子開始，已經第3次係6月9日黑色暴雨了，真係難忘。第一次，yr 1 時本來9號係最後一科，完左可以慶祝，點知就係個日黑色暴雨，搞到順延1日，結果個日要繼續温書。第2年又係，不過因為唔係最後一科，所以都無咩影响。到今年，真係覺得好搞笑.......

多謝雞蛋係"梳乎里"面前唱生日歌......

多謝Kammy的長途電話，靖、秀汶(第1時間無聽電話真唔好意思)，還有ashley、Joan、queenie......各人的msg，June、亞臣等等

thx

神與我們同在

隔著電話，只能夠嗯....嗯的這樣應對，我知道沒有什麼可安慰您的話，因為無辦法待入您的痛，也沒有什麼人可以明白，

很想第一時間來看看您，知道您是很堅強，聽您與我冷靜的分享便知道了，我也相信神與我們同在，要保重啊 !

感謝神

感謝神，讓我有穩定的工作

感謝神，讓我有穩定的感情生活

感謝神，讓我有健康的雙親

感謝神，讓我有健全的四肢

感謝神，讓我有弟兄姊妹

但.....沒有這些，信仰根基會穩固嗎 ? 還會感謝嗎 ?
十字架就是祂的愛，豐盛的供應是恩典

這是開cell令我很有得著的一個道理

足球小將

足球小將又出新書，今次係會講日本隊爭奪奧運金牌，雖然內容、橋段都睇到熟哂，無咩新意，但係呢本由細陪到我大的唯一漫畫(我是不看漫畫的)，又無理由唔買.... 佢地經過小學、中學階段，我地都係..

球類同樂日

今日我的體力已經消耗得七七八八，早上一起身就同班同事打羽毛球，已經留哂力。之後去左踢NIKE3人足球，隊員有亞強，其偉同嘉輝，亞靖就因為大頭生日同埋慶祝母親節缺陣。呢個賽事真係麻煩，為左佢要我買左對波襪，眼鏡繩，但每場只踢3分鐘，仲唔停錶，不過絶對唔可以睇少呢，我打到第2場就唔係好夠氣，但根本唔可以換到人，球賽不斷進行中呢 ! 到落場時大會唔比我戴眼鏡，我成500幾度近視，剩係睇到d衫係咩色，個龍門就只係得3條線，真係睇死人，結果3場賽事，1勝2和，其實如果好彩d，真係要話好彩d，我地3場都可以贏呢，最後仲出現大會計錯分場面，差d搞到我地出唔到線呢 ! 但最後我想我們應該係首名出線，得失球較佳.....
之後我即刻趕去籃球場，最後仲差d抽筋tim，要休息下啦

大頭生日

呢篇日記咩都唔寫，剩係寫大頭生日，識你咁奈，點會唔記得你生日，我上年去左潮州都打比你啦，今年係夜左少少之嘛，請返你食飯....唔好嬲...

英格蘭就此完結??

當大家這幾個月、半年甚至是1年都在談論今夏的世杯將是朗拿甸奴、朗尼的表演天下的時候，傳媒卻証實了朗尼的傷勢比想像中還要嚴重：他不只一條蹠骨折斷，這差不多肯定他不能在今夏代表英格蘭出戰......他缺陣並不單是影响鋒線上的入球能力，試想當隊中有一名隊友是經常活力十足、滿場飛的搶波，組織攻勢，對整隊的事氣是如何的有幫助，但現今英格蘭的事氣又會怎樣。現在聽到的是：唔好講話爭標，連出線都唔知得唔得......

不過，還是要支持英格蘭的.

至於曼聯，總括來說都係多事的一年，先有堅尼同費格遜不和離隊，史高斯盲眼，而家仲無埋朗尼，雖然冠軍早己無左，但都唔想傷咁多人，希望來屆會好d.

回應伊花......

您的提醒，讓我看到或是這令你心痛了，但也讓我反省到唔係是否明白與否的問題，而是....反省到自己很少將這事罷上禱告，讓上帝介入。
今天放工特別的想到書室走一下，結果看到 "如何為你的妻子禱告"這書(很久之前也見過這本書了)，便想也不想把它買下，雖然不是這關係，但我想以這關係的心來禱告，應該沒有錯的。盼望真的能夠以禱告來讓我明白，也讓神介入、醫治.....

點解??

點解傷個個係朗尼，唔係雲佬??

點解佢要係呢個時候傷，唔係季初就傷?? 真係心痛.

睇住輸唔梗要，但係輸得咁慘.....

今日罕有咁發姊妹脾氣，真係未試過

職業球員

星期日同樹團踢波，成幾個月無踢，梗係踢得唔好，仲累到亞強被人成個炒起。事實上我覺得個球真係交得好靚，2腳波撞省左對方o既後防，當時是3打2之局，基舜交波比我，跟住我第一時間撞比後上o既亞強，呢球波，普通o既球員係唔會追(只有好似亞強速度咁快o既球員先會追)，而普通o既守門員都唔會出迎(例如恆恆咁)，佢走到出禁區頂將亞強剷跌，但結果就係2個唔普通o既球員製造呢個只會係職業賽出現o既場面，亞強，好好休息啦 !

跟住就同另外3 pair人出來食飯，我發覺原來好奈無見過秀汶了，上次見好似係佢影結婚相的時候，是嗎 ?

公眾假期

一連4天的假期，節目都排得密麻麻的：

第一天：耶穌受難日
很久都沒試過有這樣深的感受，今年的受苦節崇拜很好呢 ! 多了很多新的環節，最深刻的是以書簽特顯耶穌基督的釘痕來默想，深深為自己的罪而悔疚，也哭得很利害.... 祂就是要這樣的釘十字架，為我們捨己，以復活來戰勝死亡。
之後約了同事們打保齡，唱k，一星期除了工作時間外都會再見呢 ! 夜晚跟雞蛋吃晚反..

第二天：休息日
上星期的ot，再加上第一天假期的辛勞，一覺便睡到2點多鐘，這天是休息日

第三天：耶穌復活
返完主日崇拜後，竟然要開工，不過算啦 ! 放左2日假，夜晚跟雞蛋同佢屋企人慶祝哥哥的生日。之後同基舜亞強佢地入camp，已經唔係之前o既我，要我係一個camp裡面唔瞓覺咁吹水玩uno係唔可能o既事，結果燒完野食後要大小睡4小時，都好辛苦呢!! 你地真係好野，完全唔駛瞓.....

第四天：最後一天
出camp之後，食完反就返屋企瞓覺，咁就完左這四天假期

亞靖相約睇曼聯對熱刺，其實都很有興趣，但實在瞓到唔郁得了，不能2循環都同3劍睇呢場波，呢場作客賽事，贊拿斯一樣有波入，但首循環打得好好o既杓哥就犯下大錯，最後飲恨，但係車仔又win，冠軍都無行啦......

直擊報導

係一個好好好...消息，Kammy有左bb.....11月就會出世架啦.....好想去探下你呢 !!

報導完畢

最討厭的事......

我發現自己最討厭的事........同2個或以上的女仔行街

曼聯對阿仙奴開波，爭聯賽冠軍最後機會

很想念....您們

我感受到自己今年全情投入了自己的工作，自從考完試後，少了掛慮，是同事讓我投入了。

教會生會不是太如意，沒有什麼事令我覺得唔開心，可能是一直心裡覺得理想的團契生活還未找到。

一口氣看樹團團友日記，靖、強、朱朱、基舜、華鈺、細e、其偉，昨行山頂又見到anderson，略知你們近況，但真很掛念你們呢 !! 我相信仍是屬於樹仁團契......

成2個星期無寫日記，因為係大陸上唔到自己個日記，呢次出job都真係好開心，同2位好同事一齊，又係新job，所以見到o既野比以前多，而且個客真係好好，餐餐都帶我地食d好野，臨走時仲送成箱佢地d product比我地，都真係唔係好捨得呢 !

日記

被妹妹爬頭，恭喜恭喜......願主親自祝福他們婚後的生活

星期一就要同Terrence和June去福州做野，又要去2個多星期，但相信都會係最開心的一次field work，合作應該無問題。

唯一係連續開左2星期工，仲晚晚11、2點先放工，真係好攰呢，但係其實又做得好開心。有一個好好的director，絶對關心同事的感受，對manager的不滿可以盡情的投訴，而manager的態度即刻改變，唔知係咪暫時性，不過好肯定佢係唔想無左份工呢 !

得救是本乎......恩

你們得救是本乎恩，也因著信.......

信是所望之事的實底，是未見之事的確據.......

靠行為，是很辛苦的，自己有什麼了不起呢 ? 這兩句經文在這兩天一直在我心裡.......

得救是本乎......恩

你們得救是本乎恩，也因著信.......

信是所望之事的實底，是未見之事的確據.......

靠行為，是很辛苦的，自己有什麼了不起呢 ? 這兩句經文在這兩天一直在我心裡.......

晚飯直落

Angel走左啦 ! 昨晚就成班同事同佢farewell打邊爐飲野到3點幾，哈...主角雖然係佢，實情就係我地成班同事發洩的好機會，成晚話題都係HP。而Angel都唔話得，last day都做到成7點幾，無話一早就等收工，之後同佢傾計，但我還未搞清自己前路問題，佢意見就係咁叫我試下big4，但我又想係事業同娛樂時間有點平衡，不過我都係唔知第時出來會爭幾遠，起碼而家做得好開心，就好似佢咁講：u are the best team，很好的同事，exposure其實又唔算差，算是滿足了，也不知是否需要再向上追求，不過交給神吧 !

忙

今日真係唔好意思，個個同事都好似好忙，要成11、2點先走得，但係我就好似無咩做.....

Houston Rockets

最後一晚在美國渡過，真的很開心，終於可以睇到火箭比賽呢 !! 仲係姚明打得好好，入30分，無垃圾時間的一場比賽，最後火箭贏左快艇，真的成為了火箭隊的球迷呢 !! 但tmac就打得嘛嘛 la ! 明天要回港啦，係時候要執野。

搞掂

真係好開心，考左5年o既試終於考完，對上一次合格好像已經在2年以前了，感覺真的很難形容....總之今次真的是盡了全力， 而今年，終於可以放假去玩，無$玩休息下都好。之前想過考完試後係有d野想做，例如想再學結他，在這方面好好的事奉神，又或者讀個master，但係而家都係要休息下先。

NBA All Star Game

一年一度o既NBA All star game將會係Houston舉行，適蓬我又係houston出trip，不過.......係無機會睇到呢場賽事。但係all star game 卻令到Houston o既酒店房爆哂，我地都無辦法係週末book到房，所以我地個客就要我地join tour去旅行，無端端可以去到New york 同華盛頓，不過個度有大風雪，要買d禦寒衣物先去到，另外期待已久可以睇nba都可以實現，會睇Houston Rocket VS LA Clipper. 雖然對手麻麻，但可以睇到姚明同TMac都令我非常興奮．．．．．．．呢兩日真係開ot都要做哂d野

出國

第一次去到美國做野，慘啦 ! 成日都無瞓過，搭左10幾個鐘頭機，這裡除左d野貴之外，暫時都未睇到d咩，2個人食成hk$400，只係lunch，唔好食........ 而家仲因為寄倉唔見左件行李，都唔知揾唔揾得返。雞蛋病左，好擔心，又睇唔到......

Boring

Hi all,

I'm now on HK Airport & the flight will be delay for about 1 hr. So I have time to visit my web. I go to perform an audit work on USA but I think I forgot to bring my calculator................ See u all when I'm back.

驚喜

今年情人節已經要被迫提早慶祝，於是便準備一早起身出去買禮物，但又瞓到12點先起身，出到去已經係2點幾。想買一件雞蛋喜歡的牌子外套，再加一個最喜歡的twin star，就唸住出來食飯先送。點之竟然係回程途中搭埋同一格車，結果咩驚喜都無，不過算啦 ! 見佢都好鍾意我的禮物......

p.s. 如果情人節慶祝唔到，可以學下雞蛋咁等個日去換身份証

唔捨得

做左咁多年野，只係在這半年認識到一個最好傾的同事，拍擋。但係已經辭左職，她收到offer的一刻我就剛坐在她的旁邊，我已有預感她會離開，在這半年內，除了公事外，其他事情都能夠分享，實在是做咁多年野都未遇過的。是有唔捨得的，但想到新工作能令她有所發展，還是替她高興，也應該替她高興吧 ! 但這令我回想經常都發生這種事：最好的朋友移民外國、最熟的cell員轉cell等.......... 不過這正是上帝的恩典，令我更懂珍惜與弟兄姊妹，朋友的關係.............

洗劫

跟大隊洗劫公司所有結左婚的同事，有d唔好意思，但好開心.......

新年快樂，靈程溢進

新年快樂，大年初一返崇拜的感覺真好，是一年頭一天就讓神掌管，唱詩時更有喜樂的感覺，不禁拍起手來。願上帝掌管新的一年.......

高比81

睇咁奈NBA，大大話話都成15、6年，未見過有人入過超過80分，其他隊友點搞呢 ? 就算睇Jordon 都係60幾分，已經好利害，今晚真係要好好欣賞先得。

仲有已經確定左2月要去美國(休斯頓)做野，這次目標是要親身睇1場NBA，見下姚明、麥基迪，對手最好係洛杉磯.................... 發夢??

查經組

今年度第一次查經，仍然係查列王紀，自己就真係好大得著，列王的命運不在於他的兵力，財富，乃在於他是否敬畏上帝，遵行祂的律例、誡命、典章，大衞是敬畏上帝的最典型代表，真的要好好學習。

這年度的查經有好的開始，我見到組員的投入，願意分享，真的好高興呢 ! 希望組員門繼續有渴慕神話語的心...... 而我也越來越喜歡帶查經呢 !

弟兄會盛事

唉 !! 弟兄會盛事，第一個竟然係最細個個死仔tim(無記錯嘛?)，如有請其他弟兄話返比我知，真係好開心呢 ! 要好好地對老婆啦 ! 這又代表我們進入另一個時代了 (讀書時代、結婚時代 .......)，我真係希望呢班弟兄的友情會越來越好，是嗎 ?

仲有弟一次出 job要搭飛機真係要記低佢，兩日之內要去北京、上海，唸都唸到，兩日去兩度地方，有幾多野做 ? 仲有幾個鐘遊覽下上海，去左步行街、黃蒲崗，不過遲d就會好忙了...... 但係又聽講有得去美國wor，係就好啦 !

新年buffet

雞蛋致謝詞

各位摰愛的弟兄姊妹:

在踏進2006年之前，我Daddy的喪禮已經”完滿結束”了…..

牧師師母、宣教師、提摩太的”哥哥姐姐”、葵涌堂的導師摯友、永光堂的cell員、樹仁fes的導師知己好友、全完幼稚園的同工們:

此刻，心裡實在十分感激及感謝您們在這兩天到來悼念、關懷、安慰、支持、代禱的每一位!!! 您們每位的臉孔，我都看見….您們每個擁抱、每聲慰問，我都收到、聽到…..您們每位的到來、支持默禱、帛金，我一家人更是不知怎樣答謝……您們每一位的到來都帶著神的愛，帶著神的憐憫和祝福…..您們每一位都是我及家人的小天使….天父這麼愛我…我覺得自己實在不配得這份福氣!

感謝主! 藉著這次…我知道自己成長了、磨練了不少…..
請您們放心，我知道我要讓自己更剛強胆壯、更健康快樂、更倚靠神的愛….好讓自己能夠成為家中(特別是我深愛的媽咪)的支持，現在在我心目中，媽咪是最最最重要的人，我一定要盡力保護、愛護她，讓她能夠生活得像從前一樣幸福快樂，甚至更好!!

我知道藉著您們每顆愛心，讓我媽咪也感動了，就像天父親自敲動她的心門一樣….請您們繼續為她禱告，求天父繼續動工，讓媽咪真的能接受這份充滿愛的信仰!!! (我對神有信心的!)

感謝主~~讓我有您們這班可愛的天使，如同雲彩一樣圍繞著我，讓我感到無比的舒服和溫暖!! 衷心感謝您們每一位!!!

主內，
Amy (雞蛋)

最後一句再見

跟您最後一句......再見了.......

就這樣的過了2005年，一切都是新的了........