新年快樂，靈程溢進

新年快樂，大年初一返崇拜的感覺真好，是一年頭一天就讓神掌管，唱詩時更有喜樂的感覺，不禁拍起手來。願上帝掌管新的一年.......

高比81

睇咁奈NBA，大大話話都成15、6年，未見過有人入過超過80分，其他隊友點搞呢 ? 就算睇Jordon 都係60幾分，已經好利害，今晚真係要好好欣賞先得。

仲有已經確定左2月要去美國(休斯頓)做野，這次目標是要親身睇1場NBA，見下姚明、麥基迪，對手最好係洛杉磯.................... 發夢??

查經組

今年度第一次查經，仍然係查列王紀，自己就真係好大得著，列王的命運不在於他的兵力，財富，乃在於他是否敬畏上帝，遵行祂的律例、誡命、典章，大衞是敬畏上帝的最典型代表，真的要好好學習。

這年度的查經有好的開始，我見到組員的投入，願意分享，真的好高興呢 ! 希望組員門繼續有渴慕神話語的心...... 而我也越來越喜歡帶查經呢 !

弟兄會盛事

唉 !! 弟兄會盛事，第一個竟然係最細個個死仔tim(無記錯嘛?)，如有請其他弟兄話返比我知，真係好開心呢 ! 要好好地對老婆啦 ! 這又代表我們進入另一個時代了 (讀書時代、結婚時代 .......)，我真係希望呢班弟兄的友情會越來越好，是嗎 ?

仲有弟一次出 job要搭飛機真係要記低佢，兩日之內要去北京、上海，唸都唸到，兩日去兩度地方，有幾多野做 ? 仲有幾個鐘遊覽下上海，去左步行街、黃蒲崗，不過遲d就會好忙了...... 但係又聽講有得去美國wor，係就好啦 !

新年buffet

雞蛋致謝詞

各位摰愛的弟兄姊妹:

在踏進2006年之前，我Daddy的喪禮已經”完滿結束”了…..

牧師師母、宣教師、提摩太的”哥哥姐姐”、葵涌堂的導師摯友、永光堂的cell員、樹仁fes的導師知己好友、全完幼稚園的同工們:

此刻，心裡實在十分感激及感謝您們在這兩天到來悼念、關懷、安慰、支持、代禱的每一位!!! 您們每位的臉孔，我都看見….您們每個擁抱、每聲慰問，我都收到、聽到…..您們每位的到來、支持默禱、帛金，我一家人更是不知怎樣答謝……您們每一位的到來都帶著神的愛，帶著神的憐憫和祝福…..您們每一位都是我及家人的小天使….天父這麼愛我…我覺得自己實在不配得這份福氣!

感謝主! 藉著這次…我知道自己成長了、磨練了不少…..
請您們放心，我知道我要讓自己更剛強胆壯、更健康快樂、更倚靠神的愛….好讓自己能夠成為家中(特別是我深愛的媽咪)的支持，現在在我心目中，媽咪是最最最重要的人，我一定要盡力保護、愛護她，讓她能夠生活得像從前一樣幸福快樂，甚至更好!!

我知道藉著您們每顆愛心，讓我媽咪也感動了，就像天父親自敲動她的心門一樣….請您們繼續為她禱告，求天父繼續動工，讓媽咪真的能接受這份充滿愛的信仰!!! (我對神有信心的!)

感謝主~~讓我有您們這班可愛的天使，如同雲彩一樣圍繞著我，讓我感到無比的舒服和溫暖!! 衷心感謝您們每一位!!!

主內，
Amy (雞蛋)

最後一句再見

跟您最後一句......再見了.......

就這樣的過了2005年，一切都是新的了........

難過

到雞蛋爸爸的喪禮，看著他的遺照，便想起他的聲音。在他的遺體面前，與雞蛋一起禱告、哭泣......

二舅母也說得對，感謝主有很多弟兄姊妹到來，也令雞蛋媽媽好過一點，因為世伯沒有太多的親戚，這不致令場面冷清......

有信心她們懂得以為怎樣過生活，要鼓勵雞蛋可以傷心、難過，但不要將所有負面的想法停留在腦海裡，讓爸爸看到他想看她們的生活.....

聖誕快樂

好奈都無記過一d開心d o既事，這幾天雞蛋媽媽已好了很多，因為bb，又因為有舅父從外地回來。

公司方面，請左新manager，聽講係一個好人。

今天公司同事開party，交換禮物，係一隻大口仔杯，玩遊戲更加係畫到成塊面花哂，但好開心。

感謝

估唔到能夠令autie開心的係乖孫仔，真係好得意。雞蛋也因為媽咪開心而開心，願神繼續祝福她們.......

走了

世伯走了，見到他在床上掙扎，真的很心痛，但可能不用再辛苦未必唔係好事，雖然唔知是否在主懷，但希望能安息。

他向我最後一句囑咐是前兩天了：明天要著多件衫，唔好膽粗粗咁出街、有咩事要開聲，自己人 ..........

雞蛋，讓我看見想像以外的堅強，因旁邊的媽咪更需擔心 ? 我知道你的壓力，令你再一次成長了，反而是我表現出耐弱。願神祝福她一家人，讓她們有安睡，有力量去走以後的路。

考完.............

終於都考完了，我覺得今次應該係咁多次之中考得最好的，不過今日最後個科就有點失望，差不多成條必答題都唔識答呢 ! 唔係果條，我都有好大把握會合格，雖然聽其他人講個條都係特別深，不過始終係好擔心，連續考3日令到最後一科差不多好似無讀過咁，因為已經係成2個多星期前溫完呢科，話就話考完就唔好唸，不過這次好難呢 ! 唔得的話好快又要再讀過，這次真的是有很大的決心要了結呢個考試..........
多謝有很多人的支持、代禱，我已感受到了。
考完後與朱朱、基舜佢地食飯，睇燈飾，不過因為好攰，又不斷唸今日考得唔好，都無咩心情。

好開始??

第一科考完，最沒有信心的一科，考左咁多次第一次有合格希望的感覺，唔肯定係唔係真係識，但肯定係咁多次寫得最多的一次，時間夠又剛剛好答哂所有題目，不過係咪真係識都加強了之後2天的信心。

多謝大頭同亞靖請食晚飯。

收到遠方Kammy寄來給我和雞蛋的第一份聖誕禮物，知道你生活愉快已經是很好的禮物了。

remarks : 第一份? 仲有無第二份、第三份呢......

倚靠

今日沒有預期中有咁多時間溫書，因為雞蛋突然有事，去左陪佢。這反而是令我有一個更理想的溫習環境呢(因為原先要係city canteen實在太嘈)，明天第一科是我最無把握的一科，也會影響我信心，希望唔太差就可以了。
係city見到翠姿(一位將遲我5、6年畢業的樹團團友)，其實上星期係沙田已經見過一次，上次考試又曾經撞過，真係得意，唔講仲以為比人跟蹤呢 (講笑) ! 她還即直揮毫寫左張書簽支持我，多謝 !!
要繼續為雞蛋祈禱，真的要學習牧師今天所講的沒路可走就是倚靠上帝、讓神作工的時候，還未絕望的，也不要絕望..........上帝的能力可不是我們可以想像的，要一直祈禱......

堅持

溫到悶，唔係咁開心竟然一個人走左去睇戲.......

竟然係呢個時候病，星期一一定要好返.......

雞蛋爸爸情況轉壞，一齊禱告，一齊喊......

已經有第一個同事頂唔順話要辭職.......

好似突然好多事都無助 ? 知道要堅持，但要點堅持 ?

Annual dinner

公司25週年，真係好彩，annual dinner係5年一次，入左來唔夠1年就有得食返餐勁o既，仲抽到禮物，不過就好似唔係好啱用，係名牌男人香水.......
之後公司仲請去k，仲要睇埋波先走，睇住曼聯點輸，打得差，出唔到線梗係憤怒，但係如果因為咁炒左費格遜係值得的，返到屋企6點，係晨早6點，跟住梗係溫書溫得唔好啦 !

努力呀 !!

呢個時候，仲有1個星期，有d同學仔就只差幾日就考啦 ! 佢地好似無咩心機咁，為你地祈禱，一齊努力呀 ! 亞強，elsie，基舜，朱朱也要比心機呀 !

大勝

同亞福朋友比賽，結果7：1，大勝一場。
雖然對手唔強，但總算加強了信心，很久也沒有這種表現了，入左1球，有3球助攻呢 ! 我連我推右走左單刀比其偉搶左個球都計助攻，因為入球前我係最後掂波的。其偉就最fit，個人入4球，亞lin1球，最後1球由亞bill埋齋。美中不足就係三劍俠無左亞強啦 !

前兩天瞓左24小時，今天連續20個鐘無瞓，考試放假d時間就係咁，唔駛理幾點起身，又唔駛理幾點瞓覺，今晚同雞蛋約左個姊妹食飯，同2個月前情況一樣呢 ! 我地旁觀的都戥她辛苦，我想她更...... 真係唔知道建議有無用，又或者已經一早想到，不過會為她祈禱的。

大魚大肉

豬肺湯、燒鵝、?斑，仲梗要過飲宴，同伍大牧食飯真係唔簡單，從未見過信心咁強o既人，短短4個鐘，好像聽了4、5堂道，人生經驗之豐富，真的嘆為觀止，他提議我們最重要學習敬虔、委身，老生常談，但以他的人生信仰歷程展現眼前，要靠上帝才行......