大勝

同亞福朋友比賽，結果7：1，大勝一場。
雖然對手唔強，但總算加強了信心，很久也沒有這種表現了，入左1球，有3球助攻呢 ! 我連我推右走左單刀比其偉搶左個球都計助攻，因為入球前我係最後掂波的。其偉就最fit，個人入4球，亞lin1球，最後1球由亞bill埋齋。美中不足就係三劍俠無左亞強啦 !

前兩天瞓左24小時，今天連續20個鐘無瞓，考試放假d時間就係咁，唔駛理幾點起身，又唔駛理幾點瞓覺，今晚同雞蛋約左個姊妹食飯，同2個月前情況一樣呢 ! 我地旁觀的都戥她辛苦，我想她更...... 真係唔知道建議有無用，又或者已經一早想到，不過會為她祈禱的。

大魚大肉

豬肺湯、燒鵝、?斑，仲梗要過飲宴，同伍大牧食飯真係唔簡單，從未見過信心咁強o既人，短短4個鐘，好像聽了4、5堂道，人生經驗之豐富，真的嘆為觀止，他提議我們最重要學習敬虔、委身，老生常談，但以他的人生信仰歷程展現眼前，要靠上帝才行......

進入狀態

今天真是放假成10日以來溫得最好的一天，一連溫左成7個鐘，就是不停的做數，真係唔做過都唔知問題係邊，以前的考試就係只顧睇past paper，驚溫唔切就係咁睇，今次要改變下策略。不過今日咁精神皆因這2天瞓了24小時，係真架，瞓咗24小時......

繼續努力

今年查經仲有一個月就完，我相信只係得我d組員覺得我帶得好，我其實就係越來越無信心，不過佢地成為了我的動力。多謝 ! 我係想繼續努力，在這事奉上好好事奉神的。

32強

1. 德國 2. 克羅地亞 3. 捷克 4. 英格蘭
5. 法國 6. 意大利 7. 荷蘭 8. 波蘭 9. 葡萄牙
10. 塞爾維亞和黑山 11. 西班牙 12. 瑞典 13. 瑞士
14. 烏克蘭 15. 阿根廷 16. 巴西 17. 厄瓜多爾
18. 巴拉圭 19. 安哥拉 20. 加納
21. 象牙海岸 22. 多哥 23. 突尼西亞 24. 伊朗
25. 日本 26. 沙特阿拉伯 27. 韓國 28. 哥斯達黎加
29. 墨西哥 30. 千里達 31. 美國 32. 澳洲

去留

記起了星期天與Crystal說起去留問題，究竟要不要去別的團隊事奉? 看出她很想事奉，她說如果我去，她一定去，但一個人去就有點害怕，但我還未ready...... 很矛盾的，想她事奉、成長，但離開後便會少了很多分享的機會，畢竟她是在教會內難得可以分享得很深的人，所以很難鼓勵她去，我想這是我的軟弱，唯一可做的是求神讓她找到事奉的路向。

另一方面，我發覺自己查經的事奉不太稱職，跟得上他們的討論已經不錯(我以為)，根本想不到任何意見，甚至想不到自己對經文唔明白什麼，要對住一段經文/文字去研究它的結構，主旨，甚至要寫出一份可以帶出經文主旨的問卷，對我是何其困難，開會成為了壓力，帶查經也是壓力，但肯定的是仍愛看聖經的，但這事奉是否應該放棄呢 ?

1st day

哈，假期第一日，做o既野真係特別，晨早起身去幫2個人亞媽買演唱會飛，排左成2個鐘，前面有成百人，大半都係司奶。下畫同亞靖大頭跑步，唔知幾奈無跑過，跑完勁攰，呢d野真係要返工都做唔到，但係都係聽日開始溫書，如果唔係真係開心的時光過得特別快......

最後30日

唔知係咪應該開心，一連30日假期即將展開，應該係差不多40日才對，但係仲有30就考試。這次將時間、金錢都擺上去......... 如果唔得真係可能會放棄，不過都會休息返2日先，然後就plan下點讀，最重要都係想整理下自己的靈性......

Farewell

大班同事就來放假考試，故今天與 manager farewell，考完試返來佢應該已經走左，本來就唸住成team人請佢食餐好，點知比佢搶左埋單。職場裡面很少會有感人的分別場面，與做學生時真的相差很遠，但這裡的同事算是不錯的了。
今天比manager 睇file時都話左幾句：呢d你地教極都係咁......基本野都錯.......
從他身上真學到很多，要珍惜機會........

求主幫助雞蛋和她家人渡過難關。

她約我去迪士尼

同Queenie影完畢業相(都唔記得佢畢過幾多次業了)，之後就同雞蛋到了迪士尼，係生平第一次去迪士尼門口，真的是童話世界一樣，門口好靚，酒店門口又好靚，係煙花瞬息小小，下次要真係入去玩，有機會咪住埋酒店。

恐懼

今晚要等雞蛋食自助餐，於是拉左個同事陪我食飯，多謝哂 ! 閒談之間，原來之前她也想過走，來年又有點擔心，女權當導....... 我本來覺得打份工無咩好驚，不過總不希望與上司擦出火花，講落又開始有d擔心，不過都算傾得幾開心，很難得有同事可以傾到計。

勁歌金曲之夜

有球星生日，我又懶幫佢約人，另一個球星本來話放唔到工。便想著單人匹馬同佢慶祝，途中又有戲劇性發展，亞強話放得工，於是由銅鑼灣轉移陣地去旺角唱k，唱唱下想起亞seph，臨時打比佢點知又係旺角，他到來不單令到場面熱鬧，亦帶來免人頭優惠、生日蛋糕+香檳、還有全單9折。再有勁歌金曲4人邦現場版本，真係盡慶而返......

曼聯vs熱刺

我都要post呢段，唔好話我侵犯版權......

開波預測: http://netvideo.netvigator.com/a3133321230549781130310345488.wmv
曼聯領先: http://netvideo.netvigator.com/a3133321230544711130310431060.wmv 半場休息: http://netvideo.netvigator.com/a3133321230549281130310518572.wmv 雲佬轉身: http://netvideo.netvigator.com/a3133321230548691130310538345.wmv 熱刺追平: http://netvideo.netvigator.com/a3133321230541901130310574635.wmv

地震

今天公司開會，10幾人入哂房，真係唔知發生咩事，director話個senior manager 辭職。真係大件事，佢已經係公司做左成10年，雖然有時幾惡，但係工作能力一流，而且我地都幾鍾意跟佢，我做咁奈d job都係佢睇，從佢身上學到好多野。而家話走，真係無一個team mate開心，12月頭就 last day。隨之而來就是由2個女人話事，真係麻煩啦......... 很多是非的2個女人，仲有都唔知會請個咩manager返來，希望頂得住啦 !

非凡的一生

前晚同雞蛋去我教會聽音樂會"非凡的一生"，詩歌主題由耶穌出生、受苦、復活，又一次感受到耶穌的大能、大愛，到受苦個part，真係喊到豬頭咁，真希望這一生都能服侍主。

返公司

被人放逐左成個月去出job無返過公司，竟然有d驚，但係返到去之後又竟然唔係這回事，反而而家越來越開心，同同事熟左好多，又因為個senior manager放緊大假，剩返個A.M.係度，我地有時都一路做一路傾計，很享受這樣的工作呢! 不過我都知咁做法真係會做得慢的，明天要專心d

兩件事

昨天同一個樹仁的同學一齊上ACCA，好friend，因為一齊係樹仁讀3年，8科都一齊上，但甚少傾個人野，昨天竟是他主動的問起信仰問題，""原來""他是天主教(是否算教徒就唔知)，還受洗了，少時候的事了。信仰問題真的要裝備好呢，一下子無想過的情況下有d唔知點傾，有一樣反省很深的，他說有成10年沒有向神父告解，如果真係，可能幾日都講唔哂......信教又有很多束縛，但卻說不知怎的返了又真是感覺舒服，也是10幾年前的事。我也想起自己，若真的認真認罪，也不知要怎樣說起，有多少罪呢 !!

夜晚飲宴之後，想起Kammy，成2個月沒有找她呢，上次找她已是倫敦爆炸時，便打長途給她，近況很好呢! 唔駛做但係又話好忙，真羨慕!! 最近忙搬屋喎，唔駛同成棚人住，下年底有機會返香港，如果係我就唔駛駛$專登去搵佢......

射手

除左足球之外，連籃球都無打成個幾兩個月，今晚放左學即刻趕去球場，開頭真係生疏左，而且被調左打第二隊，合作唔慣，咪做住助攻先，手風又唔太順，都唔咁太多起手。後尾越打越放，開頭落後，跟住追返上來仲領先成15分，對方又派出最強陣容，開始比對方追返上來，最近就追剩1分，跟住我連續2球3分球又拉開，真係有三井的感覺，派專人mark我、夾擊，其他隊友便開始有空位，順利以6分差距完場。場波打到成百幾分，因為2隊都係有前無後，我想我都入成30分，同埋好多次助攻，1次封阻.........打籃球，我係鐘意做助攻多過自己入波.......

又要多謝我的球迷打氣

入院

入院的不是我，也不是我家人。係雞蛋的爸爸，成個星期了，不能落床，要打抗生素，傷口留血，我感受唔到有幾痛，但見到雞蛋，我感受到。放工後又獨個兒行，半山行到中環、撘船、又由尖沙咀行到油麻地，如果唔係比人吹食飯，可能會行到返屋企，一路想可以點幫 ? 只可以祈禱，好想佢信耶穌，已經當佢地係屋企人...... 我唔識傳，但真係想試下。